25 ноября 2008 г.
Хрестин патне час-часах кÿрши — Евруç каçать. Эх, яра куна ĕç-пуç çинчен мансах, сÿтеççĕ сăмах “çăмхине”. Ялти кашни çыннах “шĕкĕлчесе” тухаççĕ. Мĕтрипе арăмĕ, ав, ÿсĕрпе ăшă мунчара çĕр каçнă. Хĕлимунăн тата арăмĕ упăшки çуккипе усă курнă, Пăрамун патне хăнана кайнă. Ваçаккапа Наçаккан пĕртен-пĕр хĕр-упраçĕ иккĕмĕш хут качча тухнă. Тем тĕрлĕ хыпар та пĕлет икĕ ватă. Итлесе ларма çеç ан ÿркен…
Сĕтел айĕнче упаленекен кушак итлесе йăлăхрĕ иккен çав сăмахсене. Евруçăн чĕркуççийĕ çине сиксе ларчĕ. Йĕп пек çивĕч чĕрнисемпе качаласа та илчĕ.