25 ноября 2008 г.
Ял тăрăхĕсем хушшинчи централизациленĕ библиотекăра Ырă ĕçсен çулталăкне халалланă смотр-конкурс вĕçленнĕ.
Ăна ватă çынсемпе социаллă хÿтлĕх пайĕ ытлах вăйлах мар пурăнакан çынсем валли ирттернĕ. Асăннă смотр-конкурсра районти мĕн пур тĕслĕх библиотекăсем ултă номинацире тупăшнă. Çав шутра — паха проект, лайăх аналитика тишкерĕвĕ, паха электронлă презентаци тата ыттисем те.
Смотр-конкурс кăтартăвĕсене ятарлă жюри пăхса тухса хак панă. Кунта пĕрремĕш вырăна — Супарти тĕслĕх библиотека, иккĕмĕшне — уписем, виççĕмĕшне Еншик Чуллăри тĕслĕх библиотека йышăннă.
“Чи лайăх электронлă презентацисем” номинацире — ял тăрăхĕсем хушшинчи централизациленĕ библиотека мала тухнă, иккĕмĕшпе виççĕмĕш вырăнсенче — пикшиксемпе кĕçĕншетмĕсем.