18 ноября 2008 г.
Пысăках мар Танăш ялĕ. Çырма-çатраллă вырăнта вырнаçнă вăл. Тăрăшуллă та ятлă-сумлă çынсем сахал мар кунта. Вĕсем ыттисемшĕн яланах ырă тĕслĕхлĕ. Акă, Кĕçĕн Шетмĕри сĕт-çу ферминчи Лариса Федоровна Гаврилованах илер. Ĕçре те пултаруллă вăл. Кил-çуртра та ларса канма пĕлмест. Ачисем те амăшĕ пекех ĕçчен.
Ларисăн мăшăрĕ — Юрий Владимирович та мăшăрĕпе ачисемшĕн — чăн-чăн кил хуçи.
Район хаçачĕсĕр пурăнаймаççĕ Гавриловсем. Çулленех ăна çырăнса илеççĕ. Çитес çулхи пĕрремĕш çур çулшăн та Гавриловсен килне “Ял пурнăçĕ” хаçат пырса тăрĕ.