18 ноября 2008 г.
Шкул ачисенче сывă пурнăç йĕрки тытса пырас туйăма вăратас тĕллевпе, октябрĕн 1—31-мĕшĕсенче — шкулсенче, ноябрĕн 1—10-мĕшĕсенче районта “Эпир наркотиксене хирĕç…” плакатсен конкурсĕн тапхăрĕсем иртнĕ.
Ăна район администрацийĕн вĕрентÿ пайĕ йĕркеленĕ. Эксперт комиссийĕ Трак енри пĕтĕмĕшле пĕлÿ паракан 7 шкултан тăратнă 40 ĕçе пăхса тухса, конкурс çĕнтерÿçисене палăртнă. Трак гимназийĕнчи 10-мĕш класри Анжелика Васильева “Наркотики — это…” (ертÿçи Николай Витальевич Кривошеев) мала тухнă. Кунти Василий Ивановпа (“Прояви силу воли — ты сможешь!”), Анастасия Ефремова (“Не груби!”) плакатсемпе иккĕмĕшпе виççĕмĕш вырăнсене йышăннă. Вĕсем те Н. В. Кривошеев вĕренекенĕсем.
Комисси Наталья Владимирова (Трак гимназийĕ, 8-мĕш класс, “Остановись”) — ертÿçи Н. В. Кривошеев, Мария Денисова (7 класс, “Выбирай”), Александр Никитин (6-мĕш класс, “Это опасно”) — иккĕшĕ те Еншик Чуллă, ертÿçи П. А. Евграфов, Ирина Кондратьева (Алманч,11-мĕш класс, “Мы против наркотиков”) — ертÿçи Е. Ф. Николаева — ĕçĕсене пысăк хак панă.