18 ноября 2008 г.
Октябрĕн 27-мĕшĕнчен тытăнса ноябрĕн 27-мĕшĕччен районта, автомототранспорта техосмотр кăларас тĕлĕшпе, “Утиль” операци пырать.
Халь пирĕн тăрăхра — 3391 автомототранспорт. Çав шутран — 494 мотоцикл, хуçалăхсен автотранспорчĕ — 484, уйрăм çынсен — 2331.
Йĕрке тăрăх, асăннă автомототранспорта, çулленех техосмотр витĕр кăлармалла.
Анчах та кăткăс ыйту — уйрăмах мотоциклсене техосмотр кăларасси. Кăçалхи 10 уйăхра 6 мотоцикл кăна техосмотр тухнă. Хуçалăхсенче çÿлерех асăннă цифрăран — 46, уйрăм çынсен — 80 проценчĕ ытларах çеç.
Вăл е ку автомоторанспорта техосмотр кăларасси — ырана хăвармалли ĕç мар. Çавăнпа та ĕнтĕ “Утиль” операцие ирттерме палăртнă.
Хисеплĕ граждансем! Енчен те сирĕн автомашина е мотоцикл чупмасть пулсан, вĕсен докуменчĕсемпе номерĕсене тата хăвăрăн паспорта илсе районти шалти ĕçсен пайĕн ГИБДД уйрăмне пыма ыйтатăп. Автомототранспорта шутран кăларма (списать) заявлени çырмалла.