14 ноября 2008 г.
Ку сăн ÿкерчĕкре эсир Яманакри сĕт-çу ферминче ĕне сăвакан Валерийпе Милюстина тата Василий Алексеевсене куратăр. Сăмах май, Милюстина выльăх-чĕрлĕх патĕнче 27 çул вăй хурать. Выльăхсене юратас туйăма вăл хăйĕн ывăлĕсенче те вăратма пултарнă. Вĕсем те, амăшĕн тĕслĕхĕпе хавхаланса, хаваспах унăн çулне такăрлама пуçланă. Çак ĕçре Валерийпе Василий кашни вунă çул вăй хураççĕ. Василийпе Милюстина пĕр ушкăнри ĕнесене сăваççĕ. Вĕсем ферма маякĕсем шутланаççĕ.
— Хальхи вăхăтра талăкра ĕне пуçне 14—15-шер килограмм сĕт суса илетпĕр. Вĕсен рационĕ пуян. Кашнин пуçне пусыпка — 3, сенаж — 20—25, салат пăтти — 6—7, утă-улăм 5—6 килограмм паратпăр, — тет Милюстина Алексеева. — Апачĕ çителĕклех. Сенаж хывнă çĕрте хам та çăвĕпех ĕçлерĕм…