14 ноября 2008 г.
Паянхи кун районти ял хуçалăх предприятийĕсем 7007 гектар çинче çĕртме сухи çĕкленĕ. “Досаево”, “Янмурзино” хуçалăхсем суха ĕçĕсене вĕçленĕ, 430—750 гектар лаптăка хуратса хăварнă. “Караево”, “Красное Сормово”, ытти хăш-пĕр хуçалăхсем кĕрхи çĕртме сухи ĕçĕсене вĕçлесе пыраççĕ. Тулли мар “Таябинка” пĕрлешÿ чи пысăк лаптăк — 1200 гектар — сухаланă.
Паянхи кун районти ял хуçалăх предприятийĕсен уй-хирĕсенче 35 суха агрегачĕ ĕçлет. Çав шутра “Востокпа” “Гигантра”, “Караевора” — виçшер, В. Васильева ХФХра — 5 агрегат.
“Янмурзино” механизаторĕсем кÿршĕ хуçалăхсене сухалама пулăшаççĕ, куллен çак ĕçе 7-шер агрегат хутшăнать. Халĕ çанталăк сухалама чăрмантармасть, çавăнпа вырăнсенче, уяр кунсемпе туллин усă курса, мĕн пур лаптăка хуратса хăварма тăрăшасчĕ. Çапла çеç эпир çурхи уй-хир ĕçĕсене çăмăллатма пултаратпăр.