11 ноября 2008 г.
Ноябрĕн 5-мĕшĕнче Красноармейскинчи пĕтĕмĕшле пĕлÿ паракан иккĕмĕш вăтам шкулта районти шкулсенчи çамрăксен ĕç бригадисен “Тыр-пул-2008” фестивалĕ пулнă. Унта мĕн пурĕ 12 команда хутшăннă. Тупăшура пĕрремĕш вырăна — уписем, иккĕмĕшне — Трак чăваш-нимĕç гимназийĕ, виççĕмĕшне — именкассисем йышăннă.
Ăмăртура мала тухнисене хисеп грамотисемпе парнесемпе чысланă. Районти вĕрентÿ пайĕн начальникĕн çумĕ Михаил Голубев асăннă мероприятие хутшăннă, фестивальте мала тухнисене чун-чĕререн тав тунă, призсемпе наградăланă.
Фестиваль хăйĕн ĕçне ултă номинацире пĕтĕмлетнĕ. Çакăнта Упири, Красноармейскинчи 2-мĕш, Алманчри, Еншик Чуллăри, Чатукассинчи, Кĕçĕн Шетмĕри пĕтĕмĕшле пĕлÿ паракан шкулсенчи ĕç бригадисем мала тухнă.