11 ноября 2008 г.
Шкул ачисене шашка спортне явăçтарас тĕллевпе ноябрĕн 6-мĕшĕнче районти ачасемпе çамрăксен творчество çуртĕнче районти шкулсенче вĕренекенсен командисем хушшинче “Тĕлĕнтермĕш шашка” ăмăрту иртнĕ. Тупăшу икĕ ушкăнра пулнă. Çĕнтерÿçĕ командăсем хăйсем вăй виçнĕ.
Ăмăртура Алманчри пĕтĕмĕшле пĕлÿ паракан вăтам шкул — пĕрремĕш, Красноармейскинчи 2-мĕш номерлĕ шкул — иккĕмĕш, Трак чăваш-нимĕç гимназийĕн команди виççĕмĕш вырăнсене йышăннă.
Ăмăрту çĕнтерÿçисене хисеп грамотисемпе чысланă. Тупăшусенче палăрнисене шашка спорчĕн ветеранĕ, Красноармейскинче пурăнакан ветеран-учитель Михаил Ильин саламланă, асăнмалăх парнесем панă.